شعر حزين

اشلون اتريد اعرفـــك مـن الاكيــــك
اذا كلساع وجـه اتكول هذا انـــــــي
راح اكـــــــعد اكبالك مـــــا احاجيــك
اخــــاف اندار تلبس وجهك الثانـــي
لأن اهـواي تكــــــــدر تلبس اوجــوه
توصل يمي وابقى الجيتك امتانـــي

شعر حزين

أنــــا الـراضـــع قهـــــر مـــن صـــدر الأيــــام
و أنـــا اللابـــس حـــــزن مــن عمــري جرحــين

كبــــرت و صـــــار عمــــري هــــواي لچمــــات
و جبــــت كــل عمــري زيــن و مـا شفــت زيــن

أنـــا العــــــايش حيـــــاتي بطــــرگ الدمــــوع
يمرهـــــا المــــوت يمتــــى و تنشــف العـــين .؟

أنــــا الجـــــايع صبــــر و بروحـــــي أيــــــوب
و أنـــا الشــــابع طعــــن مـــن چــف السنـــين

جبتــــها ويــــه الغــــــدر كـــل يــــوم طعنــــات
بحيــــــث ويـــه النفـــــس أشتـــم سچاچــــــين

شعر

عن حب موجهل ذليت روحي وياك
كلت عزة نفس ذاك العشك موذل
تجيني وتعتذر واغفر واكولن تاب!
تشبكني وخناجر بالظهر تشتل
تفز بيه الجروح بجفك السجين
اجذبهن واكول عيونهن تغزل
ومثل نزلة الخرزه التنلظم بالخيط
هيج انت اعله جرحي بخنجرك تنزل

شعر حب

عمي انتة بشر لو بالجذب مخلوق
بس لا ملك انتة وعلي ذبونك
اشو كل ساع عشيرة اتدك علية الباب
خطابة عليك اهواي يردونك
وكثرت المشاكل من وراك اهواي و
خربت العشاير من ورة عيونك
يا ديوان اطب الكة الك عشاك
اظن كل العراقيين يحبونك

شعر حب

من اول نظرة شفتك عيني دمعت ليش ايجوز اول حبيب ابكلبي خليتك
وانت اول عشك صاير ابهاي الروح
وافتحتلك باب كلبي وهم تلكيتك
شنو حسنك خرافي ايدوخ الميدوخ
والما داخ هم ايكلك اشلونك ا
باوع عالشوارع ظلمة كلهة اشلون
اشو بس انتة اضحكت نورتهن اسنونك
اشكد شايف بشر بس ماكو هيج اشكال
اظن من الفضاء و علي شمرونك
وبس انتة الوكفت شارع بالاستعداد
نسوان وزلم الكل ينظرولك
مشيت وعود تمشي اتكول جنك ريح
حتى الريح خافت من شافت اجفونك
ولك كافي اقهرتني واقهرت هاي الناس
كل ساعة اجو عني يسالونك

شعر عراقي

اضعف من أشوفك وانطي عشر ألوان
وتـــــــذوب الروح كلش والله كدامـــك
أنه وكلــــــــــشي بيه نحبك ونهــواك
ومن راسك نريدك لأخر جـــدامـــــــك

شعر

ظل عاتب الى ان تشبع عـــــتــــاب
عتابك فوك راسي و يبقى مسموع
سكتنه و بطلت كل المواضيــــــــع
عدا حبك حبيبي شــــعدنه موضوع
اذا هذا انت يمي ودمعتي تســيل
شلون اكدر افارك وجهـــــك اسبوع
ابقى انضر الي امن القدم للراس
وشوف بيا جزء مني انت مــــــزروع
و احزرلي مــــكانك ويـــــن ما وين
باهداب الجفن لــــو بين الدمــــــوع
مكانك لا بهاي ولا هوة بهــــــــاي
مكانك يا حبيبــــــــــي بنص الظلوع

شعر

سمــعت اخبــار عنــك حلــوه فد نـــوب
حــيل اني فرحــــت من اسمـــعــــتـــها
سمعت الــــــــــي خنتني ويـــــــاه اذاك
يله ارتــــــاح هــــــــاي الـــــــي ردتــــها

شعر جميل

زرعت الروح ورده بحبك من اسنين
وجنت اذبل وموت وانت تحيني

رويت ايام عمري من الحنان البيك
واحس دمعات عينك هي ترويني

ليش اسنين عمري حلوه بس وياك
لان اصلك عسل وانته تحليني؟

شعر عتاب

اعتب والمحب من حقه العتاب..
اعتب ياكلب واشكي لحبيبك
ماعندك بخت ضلموك الاحباب
مثل شامه على خد اسمر نصيبك
ولك ياكلبي بطل واقفل الباب
منو يداويك اذا خانك طبيبك
الجرح ينشد اذا جرحوك الاغراب
بس شلون اذا جرحك من حبيبك

شعر حزين

سأرحل بك الى القمر لنرى كيف الحياة هناك
٠
٠
على سطح القمر سويتلك بيت

إخذ بس ذكرياتك خاطر أنشيل

قبائل بالقمر ماتعرف أتلوم

لا عاذل بعد لا قال لاقيل

اهناك اتريد تسهر كلهه عشاك

اهناك الليل عدهم كلش إطويل

شعر عتاب

ماهزك حنين الشوك

ماذكرك بالعشره ؟؟

مامرن طيوفي اعليك

نسيت الحلوه والمره

ذبلت روحي من فركاك

تظل ليوين منتضره

أكابر من تمر ع البال

اظم النوح والحسره

أخافن من حجي الشمات

أسهام بكلبي مستعره

أتلمس جفوني من يجيني الليل

لان الدمع وشل مابكت كطره

وجروحي بغيابك جن طفل مالوم

شظن الجرح بعد المحب يبره .؟

مثل ام الحنينه وفاكده الاولاد

دليلي عليك هايج ماطفه جمره

............................

دليلي عليك هايج دوم .. ونسال

ويعذبه الشامت بفركاك .. ونسال

هم شايف دمع بي صوت .. ون سال

دموعي أنزلت وبوونه شجيه

شعر

خاف تكول نام وماذكرني بليل
اقراء اسمك كتبته على الكمر ذكره

شعر عتاب

حلفت بداعتي وماشورت بيك
لان طيبة روحي بهيئة ادخيل
مثل اخر نفس ثق مستعز بيك
رغم كم خنكه منك جانت تعيل
اضم اعتابي كوه واضحك وياك...
واكول مدلل يحب التواسيل

شعر حزين

هوه كَلبك اظن غيري شخص مـــا .....
وعمري وياك كَضيته شخص مــــا ....
عمري الراح
كله اجراح
جنت وياك ما مرتاح
روحك
ما تحن بجفاي
تفرح من تشوف بجاي
ولا مره صرتلي وفاي
شخص منك ابد ما اخص شخص مـــا
...لأن كلك جنت خاين اليــــه ..

شعر غزل

اذا شمسين تطلع كارثة تصير
ولك هذا الجمال منين جبتة
اتفق ويالشمس لتحير الناس
لو تطلع شمس لو تطلع انتة...

شعر حزين

صدك سويته صدك بجيته
عيني الكبل تنباس
راح اتروح مني
يل خيبت ظني
طلع ماعندك حساس
ياوسفه عليك العشره هانت
وهاي الحظه وين الكلبي جانت
مايرحم حجي الناس
طلع ماعندك حساس

شعر حزين

لآ أحد يكره ( الحُبّ ) ! نحنُ نكره الإنتظآر ، الأكآذيب ، الإستغفآل ، الإفتراض ، خيباتُ الأمل ، عدم الإهتمام وكل شيءٍ مشآبه ..!!

شعر حزين

ﻳﻘﻮﻟـــﻮﻧــــــ :ﺗﻬــــــــــﻮﻯ ﺍﻟﻘﻠــﻮﺑـــــــ ﻣﻦ ﻛـــــﺎﻥ ﻣﻨﻬـــــــﺎ ﺣﺎﺿــــــــــﺮﺁ
ﻭﺗﻨﺴـــــــــﻰ ﺍﻟـــــــــــﺬﻱ ﻋـﻦ ﺍﻟﻌﻴـــــــﻮﻥ ﻳﻐﻴـﺒــــــــ
ﻭﺃﻧـــﺎ ﺃﻗــــﻮﻝ: ﻓﻜـــــﻢ ﻣــــﻦ ﺣـــﺎﺿـــــﺮ ﻻ‌ ﻳُﺴﺘﻄﺎﺑــــــ ﺑـــــــــﻪ ,,
ﻭﻛـــــﻢ ﻣـــﻦ ﻏـــــﺎﺋﺒــــــ ﻋــﻦ ﺍﻟﻌﻴـــــﻮﻥ ﻗـــــﺮﻳﺒـــــ""

شعر

حين أموت أنا ..

.. سيمــوت معي ..!!

حبي ... حلمي ... ضحكتي ... بكآئي ... طلتي

كل شيء!!!!

وســأبقي ذكرى عابرة فقط !!

سيبكي من يحبني ... سيضحك من يكرهني ....سينصدمون أهلي ...ولكن

تـــأكدو.. كنت أحبكــم جميعـا

فإذكروني بدعـوة صآدقة

هذه كل أمنيــاتي

شعر

يارب ارزق كل :-
ميت بـ رحمة
مريض بـ شفاء
مهموم بـ فرج
عاطل بـ وظيفة
عقيم بـ طفل
طالب بـ نجاح
حزين بـ سعادة
صباحاتكم دعوات مستجابات

شعر حزين

مرات الجبل يتمــنى تله يصيــــر
حتى يشوف علوه يعاين لروحــه
ومرات الصخر يتمنى خلك انسان
يريد يعرف منهو اليحمل اجروحـــه
ومرات السيوف تمل حز الركــــاب
تحب اتصير هي اركاب مذبـــوحه
امنتك علي وكتلي عد عينــــاك
عفتني مو جنا متفقين لللوحه
نهر يروي العطاشا ومابخل بالماي
بس مكروه يغدر غفله سابوحـــه

شعر فراق

من بعدك ضعت والدنيه صغرت حيل
وأحس أنكسر ظهري بيوم فاركتـــك
عرفتك من رحت ما ألك نيــــــه تعود
وأقشمر روحي كاعد وأنتظر جيتـــك
شفتك بالحلم فزيــــــــت أدور عليك
نسيت آني صحيــت وبالحلم عفتك
أعاين بالوجـــــــــــوه وأنت ماموجود
مامعقوله يمـــــــي وآني ما شفتك
شلتك بالكلب يوم الجنت موجــــود
ودمعه بالجفن يوم الرحت شلتــــك
ماردتك دمع وتسامر الخــــــــــــدين
أنه عون وذخر بالدنيه لـــــــي ردتك
وحشه البيت بعدك أرجع أترجــــــاك
وحشني بيك كولشي حته سالفتك
ولو أدريها جيتك جيــــــــــت مودعين
جنت عله اﻷقل هميـــــــت ودعـــتك
ما أدري غفل عن عيني راح تـــــروح
ويخلص بالعجل ماجنت أظن وكتـــــك

شعر فراق

انت اشتهيت افراك واني اشتهيت الموت
مودع الله وياك بس لاتبجي ع التابوت

شعر فراق

نسولف بيك ﻻخر لحظه بلليل
ونرد من الصبح تشغل فكرنا
شكثر قبلك شفت ماعجبوا الروح
وﻻ بغيابهم كسروا ظهرنه
منين انجيب مثلك حته ننساك
ومنو لمثلك يعوض لو خسرنه

شعر عتاب

ماردت القدر يبعدني عنك يوم
ومـاردت السعــادة تعــوف بيبـــاني
ياليل ألاماااااان الماتمرّه غيوم
وياحظــرة حنين بحظنـه دفّــاني
ياأجمل قصيدة وبالوزن محكوم
وياأروع ندى اعلى أوراق بستاني
يانبع الكرم محتااااجتك هاليوم
مو تدري بغيابك طاحت أركاني
ياأجمل حلم وسط الجفن مرسوم
رحت والصور ظلت فوك حيطاني

هسه تغيرت مو اني ذاك فلان

هسه تغيرت مو اني ذاك فلان
الكلك اموت لو رحت عني
ﻻ بالعكس اضحك عايش ومرتاح
وطيبت الجروح وكامت تغني
مامكسور خاطر ﻻ وﻻ مجروح
درسك بالصلافه هوايه علمني